Poslovne vijesti - Makedonija

Електронска распределба на ЦЕМТ-дозволи

Министерството за транспорт и врски за следната година ќе распредели 1.310 годишни ЦЕМТ-дозволи за возила со евро 5-категорија и 84 за возила со евро 6-категорија.

Со распределбата има намалување на дозволите за евро 5, а првпат ќе се доделат дозволи за евро 6-стандард.

Годишното аплицирање по електронски пат за распределба на ЦЕМТ-дозволите ќе почне на 10 октомври, а ќе трае до 15 октомври.

На 1 октомври ќе биде објавен оглас за одобрување возни редови за нови линии или промена на возни редови на одобрени линии во меѓуопштинскиот и меѓународниот линиски превоз на патници.

Право да учествуваат на огласот имаат сите заинтересирани превозници-правни лица кои имаат лиценца за вршење меѓуопштински и меѓународен линиски превоз на патници и кои електронски ќе аплицираат во периодот од 9 часот на 1 октомври до 21 часот на 2 октомври.